കല്ല്‌ കൊണ്ടോ മനം താവകം, കൃഷ്ണാ...
നീ ഭോഗിച്ചു കശക്കിയ ഗോപികമാരിവര്‍
അളമുട്ടിയുയര്‍‌ത്തുന്നൊരായിരം ചോദ്യങ്ങള്‍
നിന്‍ ഭോഗവസ്തുവായ് മാറിയ ജന്മങ്ങള്‍ ഞങ്ങള്‍
പറയുക ഹേ നരോത്തമാ
ഞങ്ങള്‍ തന്‍ ചോദ്യങ്ങള്‍ക്കുത്തരം
ധര്‍മ്മ സംസ്ഥാപനാര്‍ത്ഥം ജനിച്ചനീ
ധര്‍മ്മത്തെ വാഴിക്കുവാനധര്‍മ്മങ്ങളെത്ര ചെയ്തൂ
ധര്‍മ്മത്തെ ജയിക്കുവാനധര്‍മ്മങ്ങള്‍ ചെയ്തതോ
ധര്‍മ്മ സംസ്ഥാപനം പറയൂ പരാന്തകാ
പിഞ്ചുകുഞ്ഞുങ്ങളെ കൊല്ലുവാന്‍ ഹേതുവായ്
പിറയിയെടുത്തൊരവതാര കണ്ണാ
യമപുരി പുല്‍കിയ യാദവകുരുന്നുകള്‍ തന്‍
നിണമിറ്റു കറുത്തുതോ നിന്‍ ക്യഷ്‌ണ വര്‍ണ്ണം
കാളീയ മര്‍ദ്ദന മാടിരസിക്കവേ
കാളകൂടം പകര്‍ന്നതോ കാര്‍മേഘ വര്‍ണ്ണം
ഗോപികമാരുടെ ചേലകവര്‍ന്ന്
നീലകടമ്പിന്‍ മുകളേറി നിന്ന്
നഗ്നരായ് നീരാടും നാരിമാര്‍തന്നുടെ
നഗ്നത കണ്ടു രമിച്ചു കളിച്ച ബാല്യം
മാവുണ്ണുവാനായ് വെണ്ണകവര്‍ന്നവന്‍
കള്ളനല്ലാതെങ്ങനെ ശ്രേഷ്ടനാകും
ധര്‍മ്മത്തെ ജയിക്കുവാനധര്‍മ്മങ്ങള്‍ ചെയ്തതോ
ധര്‍മ്മ സംസ്ഥാപനം പറയൂ പരാന്തകാ
കാര്‍മുകില്‍ വര്‍ണ്ണം ചൊരിഞ്ഞനിന്‍ മാറിനെ
ഒരു മുളം തണ്ടിന്റെ ശ്രുതിയില്‍ മയക്കി
പരശതം പെണ്ണിനെ ഭോഗിച്ചു തള്ളി
താലിചാര്‍ത്താതെ രധയെ വരിച്ചു നീ
പാര്‍‌വ്വണേന്ദുതന്‍ പാല്‍‌വെളിച്ചത്തില്‍
സുലഭമായ് രാസകേളി നടത്തിനീ
എണ്ണമൊടുങ്ങാതെ മൈഥുനം ചെയ്തതോ
ധര്‍മ്മ സംസ്ഥാപനം പറയൂ പരാന്തകാ
ഇന്ദ്ര, പവന, അശ്വനി, യമ ദേവന്മാ-
രിവര്‍തന്‍ സുതന്മാരഞ്ചുപേര്‍
കുന്തിതന്‍ മക്കളാം വീരന്മാരിവരെങ്ങനെ
പാണ്ഡുവിന്‍ മക്കാളായി ഹേ നരോത്തമാ
പാണ്ഡവരന്ന പേരിനെന്തര്‍ഹത
ഹസ്തിനപുരത്തിനെന്തവകാശം
ആറുപേരെ ഭോഗിച്ചു രമിച്ച കുന്തിയും
അഞ്ചുപേര്‍ പകുത്ത പാഞ്ചാലിയും
ദൂതിനു പോയി നീ പക്ഷം പിടിച്ചതൊ
ധര്‍മ്മ സംസ്ഥാപനം പറയൂ പരാന്തകാ
പക്ഷം ചേര്‍ന്നിടാന്‍ ഉറക്കം നടിച്ചു നീ
യുദ്ധം ജയിക്കാന്‍ കവചകുണ്ഡല മറുപ്പിച്ചു
മാതുലനാം കംസനെ നിഗ്രഹം ചെയ്തഭീതി
പദ്മവ്യൂഹത്തിനുള്ളിലെത്തിച്ചു നിര്‍ത്തിയോന്‍
പദ്മവ്യൂഹത്തില്‍ കുടുക്കി അഭിമന്യു കുമരനാം
നിന്‍ സോദരീ സുതനെ യമപുരിചേര്‍ത്തു
സൂതനാം സൂര്യപുത്രന്‍ വില്ലാളിവീരന്‍
കര്‍ണ്ണനെ ഒളിയമ്പയച്ചു കൊല്ലിച്ചവന്‍ നീ
ശിഖണ്ഡിയെ മുന്‍‌നിര്‍ത്തി ശരശയ്യ ചമച്ചതോ
ധര്‍മ്മ സംസ്ഥാപനം പറയൂ പരാന്തകാ
പാഞ്ചജന്യം മുഴക്കി നീ ഗീത പാടി
മുരളികയൂതി നീ വ്യന്ദാവന കേളിയാടി
ഗീതയാല്‍ ജ്ഞാനം പകര്‍ന്നു നല്‍കി
ധര്‍മ്മങ്ങള്‍ ചെയ്യുവാന്‍ ചൊല്ലിപഠിപ്പിച്ചു
ധര്‍മ്മത്തെ വാഴിക്കുവാന്‍ യുദ്ധം ചമച്ചവന്‍
കര്‍മ്മമായ് കാട്ടിയതൊക്കെ അധര്‍മ്മം
ധര്‍മ്മത്തിന്‍ അധര്‍മ്മങ്ങള്‍ ധര്‍മ്മമാകുമോ?
ധര്‍മ്മ സംസ്ഥാപനാര്‍ത്ഥം പറയൂ പരാന്തകാ
അധര്‍മ്മങ്ങള്‍ കാട്ടിയ യാദവ കുമാരന്റെ
അധര്‍മ്മങ്ങളവന്‍ തന്‍ ലീലാ വിലാസങ്ങള്‍
പരന്നൊഴുകട്ടെ നീ കൊളുത്തിവച്ചൊരാ
നിലവിളക്കാം ഭഗവത് ഗീതതന്‍ വെളിച്ചം
കലിയിലും അനര്‍ഗ്ഗളം ശോഭ നിര്‍ഗ്ഗളിക്കട്ടെ
മനിതരാം മനുജര്‍ തന്‍ ഹ്യത്തിലേക്കായ്
Sunday, November 30, 2008
കല്ല്‌ കൊണ്ടോ മനം താവകം, കൃഷ്ണാ...
Subscribe to:
Post Comments (Atom)
26 comments:
കല്ല്‌ കൊണ്ടോ മനം താവകം, കൃഷ്ണാ...
നീ ഭോഗിച്ചു കശക്കിയ ഗോപികമാരിവര്‍
അളമുട്ടിയുയര്‍‌ത്തുന്നൊരായിരം ചോദ്യങ്ങള്‍
പറയുക ഹേ നരോത്തമാ
ഞങ്ങള്‍ തന്‍ ചോദ്യങ്ങള്‍ക്കുത്തരം
ധര്‍മ്മത്തെ ജയിക്കുവാനധര്‍മ്മങ്ങള്‍ ചെയ്തതോ
ധര്‍മ്മ സംസ്ഥാപനം പറയൂ പരാന്തകാ
ചോദ്യങ്ങളുടെ ശരമുനയിലേക്ക് കൃഷ്ണനെ നീക്കി നിര്‍ത്തുന്നതെന്തിനു നീ ബാലാമണീ? ഒടുവില്‍ നീയെത്തിച്ചേരുന്നതും ആ കൃഷ്ണന് കൊളുത്തിയ ഗീതയുടെ വെളിച്ചത്തിലേക്കു തന്നെ!!!
കൃഷണനോട് ഏറെ ചോദിക്കാനുള്ള ഈ ഗോപികയ്ക്ക് ദേഷ്യമാ‍ണോ അതോ സ്നേഹം കലര്‍ന്ന പരിഭവമോ? :)
എന്നാലും പാവം കൃഷ്ണന്...
സത്യത്തില്‍ പ്രായപൂര്‍ത്തി അകാത്തവര്‍ വയിക്കരുതാത്ത പുസ്തകങ്ങള്‍ ആണ് നമ്മുടെ പുരാണങ്ങള്‍ ..
പിഞ്ചുകുഞ്ഞുങ്ങളെ നിലത്തടിച്ചു കൊല്ലുന്ന അമ്മാവന്റെ അല്ലെ മരുമോന്‍ അപ്പൊ ഇതൊക്കെ പ്രതിക്ഷിച്ചാല്‍ മതി ...
അപക്വമതികളില്‍ വിപ്ലവവിത്തുകള്‍ വേഗം വളരും.
കൃഷ്ണേ ബാലിശം ഈ വിലാപം.
interesting
Manoharam... Ella bhavugangalum. Abhiprayathodu enikku viyojippanenkilum, ashayam athi manoharam. Avatharanavum. Bhavugangal.
സരിജ,
അഭിപ്രായത്തിന് നന്ദി
ക്യഷ്ണനോട് ഈ ബാലാമണിക്ക് ദേഷ്യവുമില്ല പരിഭവവുമില്ല. മനസ്സില്‍ തോന്നിയത് എഴുതി എന്നു മാത്രം.
ശ്രീ,
ക്യഷ്ണന്‍ അത്ര പാവം ആണോ? എനിക്ക് തോന്നീട്ടില്ല കേട്ടോ? അന്ധനായ ധ്യതരാഷ്ട്രക്കും സ്വയം കണ്ണൂമൂടികെട്ടി അന്ധതയെ വരിച്ച ഗാന്ധാരീ വ്യദ്ധ ദമ്പതികള്‍ക്ക് കൂട്ടിന് 100-ല്‍ ഒരു മകനെ എങ്കിലും കൊടുക്കാതിരുന്ന ക്യഷ്ണന്‍ പാവം തന്നയായിരിക്കും അല്ലേ?
നവരുചിയന്‍ ,
നന്ദി അല്പസമയം ഇവിടെ ചിലവാക്കിയതിന്. അമ്മാവന്‍ ഭേദമായിരുന്നു എന്നാണ് എനിക്ക് തോന്നാറ്. മരണഭയം അത്രത്തോളം വരില്ലല്ലോ മറ്റൊരുഭയവും. അപ്പോള്‍ അമ്മാവന്റെ സ്ഥാനത്ത് അല്പം ന്യായീകരണം കാണാം. ക്യഷ്ണന്‍ അതല്ലല്ല്ല്ലോ? വാക്ക് ഒന്നും പ്രവര്‍ത്തി മറ്റൊന്നും
മുരളിക,
നന്നായി കമന്റ്. ഹ്യദയം നിറഞ്ഞ നന്ദി.
മുരളി, ആ അക്ഷരതെറ്റ് ഒന്നു തിരുത്തിയേക്കൂ. അപക്വമതിയില്‍ അറിയാതെ ഒരു "അ" കയറിയപ്പോഴേക്കും അര്‍ത്ഥം അപ്പാടെ മാറിപോയി.
ഇത് എന്റെ ചിന്തകള്‍ തൊറ്റോ ശരിയോ അത് അവരവരുടെ ഇഷ്ടം പോലെ. ബാലിശമോ പക്വമോ അതും വായിക്കുന്നവരുടെ പക്വതപോലെ. കുട്ടികള്‍‍ക്ക് ബാലിശമായ അവരുടെ ലോകമല്ലേ അറിയൂ മുരളീ.
ഒന്നാം ക്ലാസില്‍ പഠിക്കുന്നകുട്ടിക്ക് പത്താം ക്ലാസിലെ പാഠപുസ്തകം എങ്ങനെ മനസ്സിലാകാന്‍ അല്ലേ?
വന്ന് അഭിപ്രായം അറിയിച്ച എല്ലാവര്‍ക്കും ഒരിക്കല്‍കൂടി നന്ദി
സ്നേഹപൂര്‍‌വ്വം
ബാലാമണി
അവതരണം നന്നായിട്ടുണ്ട്. ആശയം അതിഗംഭീരം. തെറ്റുകളിലൂടെ ശരികള്‍ പഠിപ്പിക്കയായിരുന്നില്ലേ ക്യഷ്ണന്‍?. പിന്നെ രാസകേളിക്ക് ഈ പറയുന്ന അര്‍ത്ഥങ്ങളൊക്കെയുണ്ടോ?
ഇനിയും പുതിയ പുതിയ ആശയങ്ങളും ആയി ഒരുപാട് നല്ല കവിതകള്‍ ബാലാമണിക്ക് എഴുതാന്‍ കഴിയട്ടെ എന്ന് ആശംസിക്കുന്നു
ചതിയന്‍ ചന്തുവിനെ ഒരു വീരന്‍ ചന്തുവാക്കാന്‍ എം ടിയുടെ തിരകഥക്കും അതു ജനകോടികളുടെ മനസ്സില്‍ എത്തിക്കാന്‍ മമ്മുട്ടിക്കും കഴിഞ്ഞു. അതോടെ ചന്തുവിനും ആരാധകര്‍ "ചന്തുവിണെ തോല്പിക്കാന്‍ കഴിയില്ല മക്കളെ"
എന്നാല്‍ അമ്പാടി കണ്ണന് അതു പോലാണൊ?
കാണ്ണന്റെതാവാന്‍ ആശിച്ചവരുടെ എല്ലാം ഒപ്പം ചെന്നതോ കണ്ണന്റെ കുറ്റം മായക്കണ്ണന്‍
എന്നല്ലെ അല്ലതെ എല്ലാവരേയും ഭോഗിക്കാന്‍ കണ്ണന് എത്തിയില്ലല്ലോ..
രാസകേളിയാടി എന്ന തോന്നല്‍ മാത്രമല്ലേയുണ്ടാക്കിയത്?
ജീവിതത്തോട് അടുത്തു നില്ക്കുന്നു കൃഷ്ണന്.
അധര്‍മ്മം അന്നും ഉണ്ടായിരുന്നു സഹായം അര്‍ഹിക്കുന്നവരോടൊപ്പം കൃഷ്ണന് കൂട്ടുനിന്നു.. അത്ര കുറച്ചു സമയം മാത്രം മനുഷ്യ ജന്മം എടുത്താല്‍ മതി എന്നുള്ളവരല്ലേ പരലോകം പൂകിയത് അതു കൃഷ്ണന്റെ കുറ്റം ആകുമോ?
അയ്യോ ! ദേ !ആരെങ്കിലും ഓടി വരണേ !
കൃഷ്ണനെതിരെ വിപ്ലവം !
വേറിട്ട ചിന്തയാണല്ലോ..!
കൃഷ്ണന്റെ മനസ് കല്ലുകൊണ്ടാണ്‌ എന്ന കാര്യത്തില്‍ ഞാനും നൂറു ശതമാനം യോജിക്കുന്നു മണീ.. ഒന്നും രണ്ടുമാണോ 16008 അല്ലേ കസ്റ്റഡിയില്‍.. പേരിനൊരു കാമുകി ഇല്ലാത്തവരോട് പോയി പണിനോക്കാന്‍ പറഞ്ഞിട്ടാണീ ഇരുപ്പെന്നോര്‍ക്കണം... :)
(നന്ദനത്തിലെ ബാലാമണി കൃഷ്ണനെ കണ്ടിട്ടേ അടങ്ങൂന്നാരുന്നല്ലോ.. ഈ ബാലാമണിക്ക് വാട്ട് ഹാപ്പന്‍ഡ് :) )
എന്റേ കൃഷ്ണാ!
മായാമയനായ ചെന്താമരകണ്ണനു,വാനവരോട് പ്രത്യേകസ്നേഹമോ ദാനവരോട് പ്രത്യേക വൈരാഗ്യമോ ഉണ്ടായിരുന്നില്ലല്ലോ.ധര്‍മ്മം നിലനിര്‍‌ത്താന്‍‌കൊല്ലണ്ടവരെ കൊന്നും രക്ഷിക്കണ്ടവരെ പാലിക്കകയും, ഭക്തര്‍ക്ക് എന്നും താങ്ങും തണലും ആയിരുന്നില്ലെ കൃഷ്ണന്!
കൃഷ്ണനെ ആർക്കും വിമർശിക്കാം. എന്തിനും കൃഷ്ണൻ തന്നെ ഒരു കാരണം ഉണ്ടാക്കിവെച്ചിട്ടുണ്ട്. പക്ഷെ താങ്കളുടെ ഈ ചിന്തകളെല്ലാം അബദ്ധജടിലം എന്നാണ് എനിക്കു തോന്നിയത്.
‘സമാധി’യിൽ ഇരിക്കുന്ന ഒരാൾക്ക് എന്തുകണ്ടാലും ചിരിമാത്രമെ വരികയുള്ളൂ എന്നാണ് പറഞ്ഞുകേൾക്കുന്നത്‌. അതുകൊണ്ടാകാം ‘നിന്റെ കുലം നശിച്ചുപോകും‘ എന്നു കേട്ടിട്ടും ചിരിച്ചുകൊണ്ടിരുന്നത്‌.
എന്നിട്ടും അവസാനം!!!!
“നിലവിളക്കാം ഭഗവത് ഗീതതന്‍ വെളിച്ചം“
എന്നു മനസ്സിലാക്കിയെങ്കിൽ, വായനയുടെ പ്രശ്നമാണ്.
കല്ല്‌ കൊണ്ടോ മനം താവകം, ബാലാമണീ...എന്ന് ചോദിക്കാന്‍ തോന്നുന്നു ബാലാ
ഭക്തരോടൊപ്പം എപ്പോഴും നിന്ന ക്യഷ്ണനെകുറിച്ച് ഇത്രവേണമായിരുന്നോ?
ഈ ബാലാമണിക്ക് എന്താ പറ്റിയത്?
ബാലാമണീ‍ീ‍ീ‍ീ‍ീ‍ീ.......
കല്ലുകൊണ്ടോ നിന്‍ മനം എന്നു ചോദിക്കാന്‍ എനിക്കും പലവട്ടം തോന്നിയിട്ടുണ്ട് ബലാമണീ...
എന്താ ഒരു പരീക്ഷണം !
പരീക്ഷിച്ചു പരീക്ഷിച്ചു ഒരു വഴിയാക്കിയിട്ട് നമ്മള്‍ കിടന്നു വട്ടം കറങ്ങുന്നത് നോക്കിനിന്ന്‌ ആസ്വദിച്ച് കുസൃതിച്ചിരി ചിരിക്കുന്ന എന്റെ കള്ളകൃഷ്ണന്‍ !
എന്നാലെന്താ ?
എന്നാലും....
എന്നാലും ആ മായക്കണ്ണനോടുള്ള എന്റെ പ്രേമത്തിന് തെല്ലു പോലും കുറവു വരില്ല !
ബാലാമണിയുടെ ഈ കവിത വായിച്ചിട്ടും തീര്‍ത്തും അചഞ്ചലമെന്‍ മനം....
എന്റെ കൃഷ്ണാ.....കരുണക്കടലേ...
ആ പാദപങ്കജ സ്മരണ ഒരിക്കല്‍ കൂടി ഉണര്‍ത്താന്‍ സഹായകമായ കവിത എഴുതിയ ബാലാമണിക്ക് നന്ദി മാത്രം....
എല്ലാവരും ബാലാമണിക്ക് എതിരായല്ലോ എന്റെ ക്യഷ്ണാ. ഇതും നിന്റെ ലീലാവിലാസം ആകും അല്ലേ? ആളുകളെ മയക്കുന്ന ഈ ചെപ്പടിവിദ്യ ഈ ബാലാമണിക്കൂടെ ഒന്നു പറഞ്ഞുതന്നാല്‍ കുറച്ചു കമന്റങ്കിലും വാരികൂട്ടാരുന്നു. എന്റെ ഈ ചോദ്യങ്ങള്‍ കേട്ടിട്ട് നിനക്ക് എന്തേ എന്നോട് പിണക്കം ഒന്നും തോന്നാത്തത് എന്ന് കരുതുന്നുണ്ടാവും പലരും.
മഴമേഘങ്ങള്‍
തെറ്റിലൂടെ ശരികള്‍ പഠിപ്പിക്കുക എന്നു വച്ചാല്‍ അത് ശരിയാണോ? ശരികളെ ശരിയിലൂടെ അല്ലെ പഠിപ്പിക്കേണ്ടത്? പിന്നെ രാസകേളിക്ക് ഇതല്ലാതെ പിന്നെ എന്ത് അര്‍ത്ഥമാണ് കല്പിച്ചിട്ടുള്ളത്?
അഭിപ്രായം അറിയിച്ചതിന് നന്ദി. പുതിയതും ചിലപ്പോള്‍ പലരും പറഞ്ഞുതുരുമ്പെടുത്ത് പുതുമ നഷ്ടപ്പെട്ട പഴയ ആശയങ്ങളുമായ് ബാലാമണി എന്നും ഇവിടെ തന്നെ ഉണ്ടാകാന്‍ ശ്രമിക്കാം. അപ്പോഴൊക്കെ വന്ന് അഭിപ്രായം അറിയിക്കുമല്ലോ അല്ലേ?
മാളു, ശരിയാണ്, കണ്ണന്റെതാവാന്‍ ആശിച്ചവരുടെ എല്ലാം ഒപ്പം എന്നും കണ്ണന് ഉണ്ടായിരുന്നു. ഈ ബാലാമണിയോടൊപ്പം‌പോലും എന്നും ഉണ്ട് ആ മായകണ്ണന്‍. കണ്ണനോടല്ലേ ഇതൊക്കെ വിരല്‍ ചൂണ്ടി ചോദിക്കാന്‍ കഴിയൂ. മറ്റാരങ്കിലും ആയാല്‍ എന്നെ വിട്ട് അങ്ങ്പോകില്ലേ?
നന്മക്കുവേണ്ടിയായാലും തിന്മക്കുവേണ്ടിയായാലും ധര്‍മ്മം എന്നും ധര്‍മ്മവും അധര്‍മ്മം എന്നും അധര്‍മ്മവും അല്ലേ? ഒരുപാട് നന്ദി ഉണ്ട് അഭിപ്രായം അറിയിച്ചതില്‍. മാളുവിന്റെ ചോദ്യങ്ങള്‍ നല്ലതുതന്നെ.
അയ്യോ സ്മിതാ ആളെകൂട്ടി എന്നെ കൊല്ലിക്കല്ലേ. ഞാനും ആ വെണ്ണകള്ളനും കൂടി ഇങ്ങനെ ഓരോ അടിപിടി ഒക്കെ ഉണ്ടാക്കി വഴക്കും വക്കാണവും ഇണക്കവും പിണക്കവും ഒക്കെ ആയി അങ്ങനെ പൊക്കോട്ടെ. കാര്യം ഒക്കെ ശരിയാണ് ക്യഷ്ണന്‍ ബാലാമണിയുടെ ഏറ്റവും അടുത്ത കൂട്ടുതന്നെ, എന്നാലും എന്റെ ഈ ചോദ്യങ്ങള്‍ക്ക് ഒക്കെ ഉത്തരം തന്നേ മതിയാകൂ, ഇല്ലാതെ ഈ കള്ള ക്യഷ്ണനെ വെറുതേ വിടില്ല ഞാന്‍.
നിശിതമായ് വിമര്‍ശം ഞാന്‍ പ്രതീക്ഷിച്ചു. ബാലാമണിയെ എല്ലാവരുംകൂടെ വന്ന് തല്ലികൊല്ലും എന്നാണ് കരുതിയത്. സ്മിത ആളെകൂടെ വിളിച്ചുകൂട്ടുന്നതു കണ്ടപ്പോള്‍ പേടി അല്പം കൂടി. നേരെ ക്യഷ്ണന്റെ അടുത്തുപോയി പറഞ്ഞു. അപ്പോഴും അവന്‍ ചിരിച്ചു, ചുമ്മാ ആ കള്ളച്ചിരി.
വിലയേറിയ അഭിപ്രായങ്ങള്‍ അറിയിച്ചതിന് എല്ലാവര്‍ക്കും നന്ദി .......
സ്നേഹപൂര്‍‌വ്വം
ബാലാമണി
അസ്സലായി ബാലാമണീ ഈ ചോദ്യങ്ങള്‍. നമ്മുടെ പുരാണങ്ങളെ ചോദ്യം ചെയ്യാന്‍ ആരും ധൈര്യം കാട്ടാത്തിടത്ത് ഇതുപോലെയുള്ള ഒരു നൂറായിരം ചോദ്യങ്ങള്‍ പലരുടേയും മനസ്സിലുണ്ടാകും. ഉത്തരം അറിയാത്ത ചോദ്യങ്ങള്‍. ആശംസകള്‍.
baalaamani,
3-divasamaayi guruvaayuril thanneyaanu. engineyaanu baalaamanikku kuRachchu velichcham pakaraan kazhiyuka ennu chodichchu. udane 'krishnan' paranju, balamaniyodu 'gita' padikkaan parayu ennu. balaleelakal athikam vaayikkaruthennum parayan enne elpichchittuntu.
മനൂ
ക്യഷ്ണന്റെ മനം കല്ലുകൊണ്ട് എന്ന എന്റെ അഭിപ്രായത്തോട് യോജിക്കാന്‍ ഒരാള്‍ എങ്കിലും ഉണ്ടായല്ലോ എന്റെ ക്യഷ്ണാ...അതെ അതെ 16008 അല്ലേ എന്റെ വെണ്ണകള്ളന്‍ കൊണ്ടുനടന്നത്. അതു അങ്ങ് ദ്വാപരയുഗത്തിലെ കണക്ക്. ഈ കലിയുഗത്തില്‍ എപ്പോള്‍ എത്ര ഉണ്ടാകുമോ ആവോ?
മനൂ,
ഈ ബാലാമണിക്ക് "നതിങ് ഹാപ്പന്‍ഡ്". ഇനി ഇപ്പോള്‍ ക്യഷ്ണനെ കണ്ടേ അടങ്ങൂ എന്നൊന്നും ഇല്ല. കാരണം ഞങ്ങള്‍ എന്നും കാണുന്നുണ്ട്. ഇത് പോസ്റ്റ് ചെയ്യുന്നതിനുമുന്‍പ് കള്ളക്യഷ്ണനെ ഒന്നു വായിച്ചുകേള്‍പ്പിച്ചു ഞാന്‍ എന്നിട്ട് ചോദിച്ചു
ബാലാമണി: ദേ ഞാന്‍ എന്റെ ഈ പൊട്ടകവിത ആ ബ്ലോഗ് സ്പോട്ടിലേക്ക് അങ്ങോട്ട് പോസ്റ്റ് ചെയ്യട്ടേ?
ക്യഷ്ണന്‍: എന്നോട് എന്തിനാ അനുവാദം ചോദിക്കിണെ, ബാല പോസ്റ്റ് ചെയ്തോളൂ
ബാലാമണി: അതെ പൊട്ടകണ്ണാ ഇത് വെറും കവിത അല്ലാ, നിന്നോടുള്ള കുറെ ചോദ്യങ്ങളാണ്.
ഇതൊക്കെയേ ആള്‍ക്കാരുവായിച്ചാല്‍, വെണ്ണകള്ളാ നിന്റെ ഉള്ളമാനവുംകൂടെ പോകും. അതുവല്ലതും ഓര്‍ത്തിട്ടാണോ പോസ്റ്റ് ചെയ്യൂ എന്നു പറഞ്ഞത്?
ക്യഷ്ണന്‍: ബാല പോസ്റ്റ് ചെയ്യൂ, വായിക്കുന്നോര്‍ക്ക് എന്നെകുറിച്ചുള്ള അഭിപ്രായം അറിയാലൊ?
മനുവിന്റെ കമന്റ് കണ്ടപ്പോഴാ ആശ്വാസമായത്. ഇല്ലേല്‍ ക്യഷ്ണന്റെ മുന്നില്‍ എനിക്ക് വോയിസ് ഇല്ലതെ പോയേനെ. Thank you very much Manu.
മാണിക്യം,
പാണ്ഡവരോട് ഈ ചെന്താമര കണ്ണന് ഇത്തിരി അല്ല പക്ഷം കുറെ കൂടുതലായിരുന്നില്ലേ? എത്ര ഒക്കെ ആയലും സ്വന്തം രക്തബന്ധം ആയിരുന്നില്ലേ അത് മറക്കുമോ? അതുകൊണ്ടല്ലേ ഈ മായകണ്ണന്‍
അഞ്ചുപേര്‍ പകുത്തപെണ്ണിന്
ആടയായതും, കളിപ്പാട്ടമായതും
പാണ്ഡവ മഹിഷിയുടെ ശാകോദന-
മുണ്ടതും, അവള്‍തന്‍ മുടിയില്‍
പുരട്ടാന്‍ ദുശാ:സന നിണം
കാത്തുവച്ച് ഭീമനു കൊടുത്തതും
പാര്‍ത്ഥന്‍,
കൊടുത്താല്‍ കൊല്ലത്തും കിട്ടുമന്നല്ലേ പഴമൊഴി. ശാപം ചെന്താമരകണ്ണനു മാത്രമാണോ ഫലിച്ചത്, യാദവകുലം മുഴുവനായ് നശിച്ചുപോയില്ലേ? പിച്ചവെച്ചുവളര്‍ന്ന അമ്പാടിയില്‍ ഒരിറ്റു ശുദ്ധവെള്ളം പോലും കിട്ടാന്‍ ഇല്ലതെ പോയില്ലേ? കലിമേയ്ച്ചും കളിച്ചും, ചേലകട്ട് നീലകടമ്പേറി ഗോപികാ സ്നാനം കണ്ടാസ്വദിച്ചും,പിന്നെ കാളിയമര്‍ദ്ദനമാടി പരിപാവനമാക്കിയ യമുനാ നദിപോലും മലീനസമായിപോയില്ലേ? കര്‍മ്മഫലം അനുഭവിക്കാതെ വയ്യ പാര്‍ത്ഥാ.
പാര്‍ത്ഥനോളം നന്ദഗോപാലനെ ആര്‍ക്കാണറിയുക. സാരഥി ആയിരുന്നില്ലേ, എപ്പോഴും കൂടെയുണ്ടായിരുന്നവന്‍. എന്തിനും ഏതിനും ഒരു കള്ളചിരിയുമായ് കൗശലം ഓതിതന്ന ക്യഷ്ണനെ മുഴുവനായ് പാര്‍ഥനല്ലേ അറിയൂ.
ഗുരുവായൂര്‍ ചെന്നപ്പോള്‍ കണ്ടുവോ കണ്ണനെ? വഴിയില്ലല്ലോ പാര്‍ത്ഥാ. ഓ ഇപ്പോഴ ഓര്‍ത്തത്, ഗുരുവായൂര്‍ ഏകാദശി ആണ്, ഭക്തരെ ഒന്നു കാണണം എന്ന് പറഞ്ഞ് ഒരു മൂന്നു ദിവസത്തേക്ക് എന്റെ അടുത്തൂന്ന് ഒന്നു മുങ്ങിയാരുന്നു വെണ്ണകള്ളന്‍. കണ്ണനറിയാലൊ ബാലാമണി ഗീത പഠിക്കയാണന്നും, ബാലലീലകള്‍ പണ്ടേ വായിച്ചു ഹ്യദിസ്ഥമാക്കിയവയാണന്നും. പിന്നെ എന്താണാവോ ഇങ്ങനെ പറഞ്ഞുവിട്ടത്?
പാര്‍ഥന്‍ അഭിപ്രായം അറിയിച്ചതിന് നന്ദി. വരും പോസ്റ്റുകളും കാണുമല്ലോ അല്ലേ?
പ്രിയ ചങാതി....
കുറേക്കാലമായി മനസ്സില്‍ സ്വയം ചോദിച്ചിരുന്ന ചില ചോദ്യം അതെ അളവില്‍തന്നെ വീണ്ടും കണ്‍ടപോള്‍ വളരെ സന്തൊഷം തൊന്നി... പാണഡുവിന്റെ മക്കള്‍...അങനെ ഒന്നില്ല എന്നു വിളിച്ചു പറഞതിനു സന്തൊഷം...
പടയണി
ഇത് ആരാ എന്നെ പോലെ ഒരാൾ എന്നു നോക്കാൻ വന്നതാ, നന്നായിട്ടുണ്ട്.
"എന്റെ കൃഷ്ണാ.. ഗുരുവായുർ വരെ ഒന്നു പോകണം " അങ്ങയുടെ ദർശ്ശനവും ആവും പിന്നെ കുറച്ചു ഗോപികമാരെ കാണുകയും ചെയ്യാം.
"കൃഷ്ണന്റെ മനസ് കല്ലുകൊണ്ടാണ്‌ എന്ന കാര്യത്തില്‍ ഞാനും നൂറു ശതമാനം യോജിക്കുന്നു മണീ.. ഒന്നും രണ്ടുമാണോ 16008 അല്ലേ കസ്റ്റഡിയില്‍.. പേരിനൊരു കാമുകി ഇല്ലാത്തവരോട് പോയി പണിനോക്കാന്‍ പറഞ്ഞിട്ടാണീ ഇരുപ്പെന്നോര്‍ക്കണം.."
Ethil ninnu thanne ariyam ellam, 16008 bharyamar engane aanu krishnannu undayathu ennu parayunna bhaagam vachichittillannu thonunnu. Athu aadyam vayikkuka. Angane ooronnum... Hindu puranagalude aasaya visalathayum janakiyamaya aditharayum karanam aarkkum polichezhutham. Swantham kazhchappadiloode nokkikkanam, vimarsikam. Athinulla avakasam eavarkkumundu..... bhavukagal
കൃഷ്ണന് പതിനാരായിരതെട്ടു ഭാര്യമാരോ? അതെത് കഥ?
കൃഷ്ണന് പതിനാരായിരതെട്ടു ഭാര്യമാരോ? അതെത് കഥ?
Post a Comment